≡ Menu

mga salawikain tungkol sa pag-ibig at 10 na halimbawa nitoAng pag-ibig hindi hinahanap, kusang dumarating yan sa tamang panahon. Hindi mo kailangan mangamba kung hindi mo pa siya nahahanap. Minsan kung kelan hindi mo inaasahan, saka ito magpapakita. At kapag nakita mo na. Alam mo na kagad sa sarili mo yun.

Ang mga mata ay bulag at ang mga tenga ay bingi kapag puso ang naghahari sa bawat tao sa daigdig. Pantay-pantay tayong lahat. Lahat tayo ay may karapatang umibig at ibigin.





Sa buhay mag-asawa, matutong sumayaw sa anumang uri ng sonata, parehong kaliwa man o kanan ang iyong mga paa. Hindi pwede na isang tao lang palagi ang nasusunod. Ang malusog na relasyon ay namimigay bago kumukuha.

Ang pag-ibig ay ubod na makapangyarihan. Kapag ito ay pumasok sa puso ng kahit sinuman, gagawin nito ang lahat, makamtan lamang ang hinahangad. kapag nahulog ang loob mo sa isang tao, handa kang ibigay lahat upang mapasaya siya. Matututong mag-sumikap upang mabigyan ng magandang buhay ang minamahal mo.

Walang mali at walang pangit. Ganyan kung mabulag ang mga taong umiibig. Wala pinipili ang pag-ibig. Kapag meron, meron.

Matutong mahalin ang sarili, bago mag-mahal ng iba. Kahit kailan ay hindi ka makakapagmahal ng ibang tao ng bukas-loob hangga’t hindi mo minamahal ang iyong sarili kasama na dito ang mga nakaraan at mga pagkakamali. Walang perpektong tao. Pero ang kagandahan sa pagkakamali, kapag mas pinili mo na pag-aralan, at matuto, makakatulong ito sayo upang mas maging isang ganap na tao. Kapag mahal mo ang sarili mo, saka ka matututo magmahal ng ibang tao.

Hindi lahat ng tunay na pagmamahal ay nasusuklian din ng wagas pagmamahal. Hindi dahil ibinigay mo ang buong puso mo sa iisang tao ay obligado na silang suklain ng kanilang pagmamahal. May mga puso lang talaga na hindi nag-tatagpo sa gitna. Parte ito ng buhay.




Ang paglagay sa tahimik ay huwag na huwag gawing isang laro. Hindi ito tulad ng patintero na kapag ayaw mo na ay pwede ka nang sumuko. Dapat pinag-uusapan ang mga problema ng magkarelasyon.

Walang pihikang babae sa matiyagang lalaki. Sa mga lalaki, huwag kagad sumuko dahil iisa lamang itong pagsubok upang masukat ng babae ang iyong dedikasyon. Dahil marami diyan na sa umpisa lamang mabait.

Ang mabilisang pag-ibig ay madali ring magwawakas. Huwag masyadong magpabitag sa tamis ng bagong pag-ibig, bukod sa pag-gamit ng puso, dapat din gamitin ang utak bago pa pumasok sa isang relasyon.

Karagdagang babasahin: Mga Salawikain


Milya-milya man ang haba ng prusisyon, sa simbahan din ito magtatapos. Mayroong forever ❤️️

mga kahulugan ng salawikain tungkol sa pag-ibig ipaliwanag tagalogAng pag-ibig na hinog sa pilit, kadalsan ang namumunga ng mapait. Hindi mo kailangan pilitin ang isang tao. Matutong respetohin ang desisyon ng iba, bago mag-hangad na respetohin din ang iyong desisyon.

Kahit kalian ay wala kang matatagpuang perpektong pag-ibig. Ang tunay na pag-ibig ay hindi tulad ng napapanood sa sine na mahigit kumulang na dalawang oras lang. 24/7 ang pag-ibig. Hindi maiiwasan na minsan ay merong alitan. Kasama ito sa relasyon. Ito ay natural. Ang importante ay mapagusapan ng mabuti upang ma-resolba ang problema.

Sa puso lamang ng isang ina makikita ang pinakadalisay na pagsinta. Ibang klase mag-mahal ang isang nanay, binuhat ka niya ng 9 na buwan, hele ka niya ng habang-buhay.

Sa pag-aasawa walang tinatawag na pangalawang glorya. Huwag mangaliwa. Ito ay isang violation ng inyong pagsasama. Hindi mo kailangan saktan ang iyong ka-relasyon kung ayaw mo na. Magkaroon ng lakas ng loob ipaalam ito sa iyong kabiyak. Karapatan nilang malaman ito. Walang tao na may gustong maloko. Maging tapat sa ating kasintahan.





Ang pinakamatibay na haligi ng pag-iibigan ay ang pag-uumpisa sa pagiging matalik na magkaibigan. Kailangan ng oras. Huwag mag-madali, nasa maliliit na bagay ang saya na mararamdaman mo mula sa pag-ibig. Bigyan ng sapat na oras na magkakilala ng lubusan bago magdesisyon.

Sa larangan ng pagmamahalan, lahat ay pantay-pantay. Hindi importante ang katayuan sa buhay pag-dating sa tunay na pag-ibig.

Tunay at totoo ang nagmamahal na hindi tumitingin sa kapintasan ng bawat isa. Kapag mahal mo, kahit hindi pa maligo yan, mabango padin sa ilong mo.

Walang malayo o malapit sa mga taong umiibig. Hindi hadlang ang distansya sa mga tunay na nag-iibigan. Gagawa’t gagawa ng paraan ang tao para makausap ang kanyang mahal.

mag-bigay ng halimbawa ng salawikain tungkol sa pag-ibig pati ang kasabihan nitoAng pag-ibig ay parang isang ibon, paliparin ito at palayain. Kapag ito ay kusang bumalik, ito ay para sa iyo. Hindi mo dapat pilitin ang isang tao. Ang pag-ibig ay dapat natural sa pakiramdam.

Ang mundo na walang pag-ibig ay punong-puno ng ligalig.

Mahalin mo ng lubos at ito ay huhulagpos. Mahalin mo ng tama at ito kaaya-aya.

Ang pag-ibig na bawal ay nababagay lamang sa mga taong hangal. Hindi pag-ibig ang tawag dito kapag mayroong ibang taong niloloko.

Tulad ng isang alak, ang pag-ibig ay lalong tumatamis habang ito ay tumatagal. Sa tagal ng pag-sasama, mas nababasa na ng isa’t-isa ang kanya-kanyang timpla.

mga salawikain tungkol sa edukasyon at 10 na halimbawa nitoWalang ibang gamot ang kamangmangan kung hindi ang katalinuhan.
Kahulugan: hindi masama maging walang alam. Basta bukas ang iyong isip matuto ng mga bagay na hindi mo pa nalalaman.

Ang grado ay hindi basehan ng talino. Ang mahalaga ay ang naiwan sa ulo.
Kahulugan: hindi lang basa ng basa, dapat kapag mag-aaral ka, intindihin mo ito hindi lang sa utak kundi pati sa iyong puso. Kapag ginawa mo ito, ang pinag-aralan mo ay mananatili sayo habang buhay.





Ang katalinuhan ay kayamanan.
Kahulugan: lahat ng bagay pwede mawala sa iyo, pero ang edukasyon kahit kailan walang makakanakaw nito sayo.

Isapuso yaring turo ng inyong mga guro. Pag tumanda ay ipasa ang aral na natamasa.
Kahulugan: tungkulin natin ipasa sa bagong henerasyon ang ating mga nalalaman.

Ang ugat ng karunungan ay mapait, subalit ang bunga ay matamis
Kahulugan: Sa una, kapag nagsimula ka sa wala, mahirap matuto. Ngunit kapag nagsumikap ka, balang-araw mapapakinabangan mo ito

Dunong ang tanging yaman na kailanman ay hinding-hindi mananakaw o maaagaw.
Kahulugan:


Ang batang walang pinag-aralan, animo’y ibon na di makakalipad.
Kahulugan: mahihirapan ka na matupad ang iyong mga pangarap kapag wala kang edukasyon.

Ang aral ay buhay.
Kahulugan: lahat ng teknolohiya na ginagamit natin ngayon ay dahil sa merong tao na pinag-aralan ito.

Ang nag-aral na parang walang pinag-aralan ay isang halimbawa ng isang kahangalan.
Kahulugan: hindi dahil nakapagtapos ka sa mataas na paaralan ay may karapatan ka na maging mayabang sa mga ibang tao lalo na sa walang pinag-aralan. Lahat ng tao ay pantay-pantay.




Ang edukasyon ang solusyon sa mga taong walang ambisyon.
Kahulugan: dahil sa pag-aaral ay natutuklasan ng mga tao kung ano ang kanilang gustong gawin sa buhay.

Mag-aral ng maigi upang buhay ay mapabuti.
Kahulugan: kahit mahirap ka, kapag nag-aral ka, meron ka padin pag-asang makaangat sa buhay.

Karagdagang babasahin: Mga Salawikain

Maliliit man na butil ng mga kaalaman ang dulo nito ay malaking kaginhawaan.
Kahulugan: minsan, yung mga bagay na hindi mo inakala na importante ay yun pa ang magliligtas sayo.

Ang oras ay ginto sa mga taong matatalino.
Kahulugan: ang oras ay hindi na nababalik. Kaya huwag itong sayangin.

Huwag paaalipin sa hirap at kamangmangan. Pag-aaral ay igapang upang ito ay mawakasan.

mga kahulugan ng salawikain tungkol sa edukasyonHirap ay magagapi, kung tayo ay magpupunyagi.

Iba ang may natapos, dahil pang-unawa ay hindi kapos.
Kahulugan: kapag meron kang pinag-aralan, mas malawak ang iyong kaisipan.

Ang pagkakaroon ng anak na matalino ay higit pa sa monumento na gawa sa ginto.
Kahulugan: para sa magulang, ang anak na masunurin at mahilig mag-aral ang isa sa mga pinakamatamis na bagay sa mundo.

Habang buhay kong karangalan ang aking pinag-aralan.
Kahulugan: ipagmalaki ang iyong pribilehiyo para makapag-aral dahil hind lahat ng tao sa mundo ay swerte katulad mo.

Malawak ang pang-unawa ng taong edukado.





Aral ay gawing tulay tungo sa matiwasay na buhay.
Kahulugan: walang ibang makapagbibigay sayo ng magandang kinabukasan kundi ang edukasyon.

Gamitin ang pinag-aralan sa mabuting paraan at huwag hahaluan ng ano mang ksamaan.
Kahulugan: minsan, ang mga taong may pinag-aralan kapag ginamit nila ito sa masama, sila ang mga pinakamapanganib na tao. Huwag gamitin ang edukasyon sa masama. Gamitin mo ito sa tama. Napakarami ng masasamang tao sa mundo, huwag natin ito dagdagan pa.

mga salawikain tungkol sa edukasyon na tagalogAng taong matalino ay malayong naloloko, ang taong mangmang ay malapit sa kapahamakan.
Kahulugan: mas madaling utuin ang hindi nakapag-aral.

Mahirap intindihin ang taong hindi nakakaintindi.
Kahulugan: kanilang sarili lang ang kanilang pinaniniwalaan. Ganyan ang mga taong sarado ang isip.

Ang maliit na kaalaman ay nagdudulot ng kalituhan.

Gawing pangalawang bahay ang eskwela at doon ikaw ay may mapapala.
Kahulugan: seryosohin ang pag-aaral.

Kaisipan ay linangin at laging pagyamanin.
Kahulugan: kahit na tapos ka na sa eskwelahan, dapat hindi tuloy-tuloy padin ang iyong pag-aaral ng mga iba’t ibang bagay.

Mahirap magmarunong ang taong walang dunong.

Mahirap ang daan tungo sa katalinuhan, ngunit mas mahirap ang daan ng habang buhay na mangmang.

Aral ang sandata para sa mga bata.

Ang taong walang pinag-aralan ang sadlak ay kahirapan.

Sa dulo ng paglalakbay ng aral na walang humpay, buhay na matiwasay ay kanya namang alay.

mga kasabihan tungkol sa ating buhayAng buhay ay nasusukat
sa dami ng iyong karanasan
Kahulugan: Huwag matakot makipagsapalaran at makita ang mundo, dahil dito lumalawak ang ating pananaw sa buhay.

Ang latang walang
laman ay maingay.
Kahulugan: Kung sino pa ang mga walang alam, sila pa ang putak ng putak.





Ang tao ay nakikilala
sa mga kaibigan nya
Kahulugan: Pinalilibutan ng tao ang sarili nya ng mga taong katulad nya ang ugali.

Pagkatapos ng bagyo
ay sisikat din ang araw
Kahulugan: Lahat ng problema ay mayroong katapusan.

Lahat ng bagay na kumikintab ay hindi ginto
Kahulugan: Maging maingat at huwag madaling maniwala sa mga pangako at sabi-sabi.


Mabilis kumalat
ang masamang balita
Kahulugan: Gustong-gusto ng mga tao pagusapan ang mga sakuna ng mga ibang tao.

Matutong magbilang
ng mga biyaya
Kahulugan: Matutong makuntento at masaya sa kinatatayuan sa buhay.

Kahit uod nabubulok
Kahulugan: Mahirap man o mayaman, lahat ng tao ay pare-pareho. Lahat ng tao pinapangak at namamatay.




Ang tahimik na ilog,
kadalasan ay malalim
Kahulugan: Kadalasan, ang mga taong tahimik at tipid magsalita, sila yung mga malalalim at seryoso sa buhay.

Walang malaki na nakakapuwing
Kahulugan: Kahit na hindi ka perpekto at maraming pagkukulang, meron ka padin natatanging talento na wala ang ibang tao. Gamitin mo ito.

Nasa Diyos ang awa,
nasa tao ang gawa
Kahulugan: Tama ang gawaing pagdadasal at pananampalataya sa Diyos, ngunit dapat din kumilos para matupad ang pangarap. Hindi malalaglag ang biyaya sa harapan mo, kailangan ito pagpaguran.

Kapag may isinuksok
mayroong madudukot
Kahulugan: Matutong mag-ipon ng pera para sa mga panahon ng kagipitan.

Kapag maikli ang kumot,
matuto kang mamaluktot
Kahulugan: Matutong umangkop sa lahat ng hamon ng buhay.

Matalino man ang matsing,
napaglalamangan rin
Kahulugan: Lahat ng bagay pwedeng diskartehan.

Itaga mo sa bato
Kahulugan: Isang pangako na tutuparin

Karagdagang babasahin: Mga Salawikain

Ang taong naniniwala sa
sabi-sabi ay walang tiwala sa sarili
Kahulugan: Ang taong madaling madala sa kwento o chismis ay mahina ang loob.

Kalabaw lang ang tumatanda
Kahulugan: Mahirap ang buhay.

Kapag may tiyaga,
mayroong nilaga
Kahulugan: Kapag handa ka magpagod para sa iyong pangarap, darating ang araw at makakamit mo din ito.

Kung ano ang itinanim
ay siya rin ang aanihin
Kahulugan: Depende sa kalidad ng gawain mo ang kakalabasan ng ginagawa mo.





Pera na naging bato pa
Kahulugan: Kapag pumalpak ang isang bagay.

Lahat ng sobra ay lason.
Kahulugan: Matutong magtimpi sa mga bisyo

Ang taong gipit kahit
sa patalim ay kakapit
Kahulugan: Kapag walang-wala na talaga ang tao, kahit sa krimen mapipilitan silang lumahok.

salawikain at kasabihan tungkol sa buhay tagalogBigayn mo ng isda ang tao,
kakain ito ng maghapon,
ngunit kapag ito ay
tinuruan mong mangisda,
habang buhay itong may pagkain.
Kahulugan: Imbes na bigyan mo ng pagkain o pera ang tao, mas mabuti pang turuan mo nalang ito kung paano makatayo sa sarili nilang paa.

Binigay na ang kanan
gusto pang hingin ang kaliwa
Kahulugan: Mga taong makakapal ang mukha.

Halik ni Judas
Kahulugan: Mga taong traydor.

Huwag bilangin ang sisiw,
hanggat hindi pa napipisa ang mga itlog
Kahulugan: Huwag umasa sa mga bagay na wala pa sa iyong harapan, dahil maraming pwede manyari.

Huwag kang manghusga
para hindi ka rin husgaan
Kahulugan: Huwag maging chismosa.

Huwag kang magtago ng
kayamanan sa iisang sisidlan
Kahulugan: Huwag umasa sa isang bagay lamang.

Ang hindi pinaghirapan
ay madaling mawala.
Kahulugan: Para ito sa mga mahilig magsugal, kadalasan, kahit manalo sila ng malaking salapi, isinusugal lang din nila ulit ito dahil hindi naman nila ito pinaghirapan makuha.

Kung gaano kabilis dumatimg
ay siya ring bilis ng alis.
Kahulugan: Maigsi lang ang buhay.

Huwag kang maglaro ng apoy,
baka ikaw ay masunog.
Kahulugan: Maging maingat sa mga bagay na ginagawa.

Mas kaibiganin mo
ang iyong kaaway.
Kahulugan: Matutong alisin sa puso ang galit. Wag mo sabayan ang galit nila. Mas angatan mo pa sila.

Kapag may usok may apoy.

Pataasan ng ihi
Kahulugan: Payabangan.

May taynga ang lupa,
may pakpak ang balita.
Kahulugan: Mabilis kumalat ang chismis kahit hindi totoo.

Mahirap gisingin
ang taong gising.

Tayngang kawali.
Kahulugan: Malakas ang pandinig

Apoy laban sa apoy
Kahulugan: Patas na laban.

Matagal mamatay ang
masasamang damo.
Kahulugan: Kung sino pa ang mga masasama, sila pa ang matagal mamatay.




Nasa huli ang pagsisisi.
Kahulugan: Sa una, hindi mo pa mararamadaman ang ikabubunga ng mga gagawin mo, ngunit kapag napa-trouble ka na, saka ka magsisisi.

Ang magnanakaw ay galit
sa kapwa magnanakaw.

Ang umaayaw ay hindi nagwawagi,
ang mga nagwawagi ay hindi umaayaw.
Kahulugan: Huwag sumuko sa kahit anong pagsubok.

Walang utang ang
hindi pinagbabayaran.
Kahulugan: Kapag may ginawa kang masama, darating ang araw na babalik din ito sayo.

Mahirap pa sa daga
Kahulugan: Baon sa kahirapan.

Kayod kalabaw
Kahulugan: Mahirap na trabaho

Libre ang mangarap
hanggang sa alapaap.
Kahulugan: Walang limitasyon ang panaginip, ngunit ito ay panaginip lamang.

Mapait ang ugat,
pero ang bunga ay masarap.
Kahulugan: Magsumikap para maabot ang pinapangarap.

May daga sa dibdib
Kahulugan: Kinakabahan.

Suntok sa buwan
Kahulugan: Nagbabakasakali.

Ang taong nasusugatan
ay lalong tumatapang

Sa bawat kapangyarihan,
Kaakibat ay pananagutan

halimbawa ng salawikain tungkol sa buhayAng taong mapagparaya
ay lagging pinagpapala
Kahulugan: Mga taong mapagbigay at hindi nanlalamang sa kapwa ay sineswerte.

Biruin mo na ang lasing.
Huwag lang ang bagong gising

Huwag kang magtayo ng pader,
sa halip ay gumawa ka ng tulay.
Kahulugan: Matutong tumulong sa mga mahihirap.

Dadaan ka sa butas ng karayom
Kahulugan: Mahirap na pagsusubok.

Ang isda ay nabibingwit
sa sarili nitong bunganga
Kahulugan: Matutong magisip bago magsalita.

Hindi natutulog
ang hustisiya.
Kahulugan: Ang batas ay pantay para sa lahat.

Mayroong pera sa basura
Kahulugan: Huwag mag-aksaya ng mga bagay.

Huwag kang manghusga
sa panlabas na kaanyuan.
Kahulugan: Kilalalin muna ang isang tao para malaman ang tunay nitong ugali.

May gantimpala sa taong
matiyagang naghihintay
Kahulugan: Hindi maganda ang palaging nagmamadali.

Kapag wala ang pusa
naglalaro ang mga daga
Kahulugan: Mga batang sutil

Bantay salakay.
Kahulugan: Naghihintay ng kahinaan bago umatake.

Mayroong busal ang mga bibig,
mayroong tali ang mga kamay.





Huwag kang kukuha ng bato
para pamukpok lang sa ulo mo.
Kahulugan: Maging maingat sa mga ginagawang desisyon sa buhay.

Mayroong himala sa
taong nanampalataya.
Kahulugan: Sineswerte ang mga taong makadiyos.

Ang kalahating kasinungalingan at
kalahating katotohanan ay
buo pa rin na kasalanan.
Kahulugan: Ang pagsisinungaling ay masama, kahit na ano pa ang iyong rason para gawin ito.

Lahat ng kasarapan lahat ng
kasamaan, ito ay may hangganan.
Kahulugan: Walang bagay na panghabang-buhay

Ang palay ay para sa tao,
ang damo ay para sa kabayo.
Kahulugan: Matutong lumugar.

Ipukol ang bato sa taong manloloko
Ipukol ang tinapay sa taong mapagbigay
Kahulugan: Ang mga mababait na tao ay sineswerte.

Makuha ka sa tingin.

mga salawikain tungkol sa hirap ng buhayHampas sa kalabaw
Sa kabayo ang latay
Kahulugan: Ang mga taong nasa ibaba ang palaging naghihirap habang ang mga mayayaman ay pasarap lamang sa buhay.

Halang ang bituka
Kahulugan: Masamang tao.

Sa mga nagkasala huwag kayong
mag-alala, dahil may nakaabang
sa inyo na parusa
Kahulugan: Walang masmaang tao na hindi nahuhuli.

Tularan ang magandang gawa,
iwaksi ang mga masasama
Kahulugan: Huwag gumawa ng krimen.

Huwag kang tumunganga
dahil walang himala.
Kahulugan: Kung gusto mong matupad ang iyong pangarap, pagtrabahuan mo ito.